کلیفورنیا کولای شي چې د ناروغۍ د خپریدو مخه ونیسي.

CA Notify د بلوټوت د کمې انرژۍ (BLE) تکنالوژي استعمالوي څو د نورو هغه کسانو د تلیفونونو بې ترتیبه کوډونه تبادله کړي چې د کاروونکو په هکله یې د معلوماتو د افشا کولو پرته د دې انتخاب کړی وي. که د CA Notify بل کارکوونکی/کارکوونکي چې تاسې ورسره په تیر شوي دوه اوونیو کې نږدې پاتې شوي یاست، د کوویډ-19 ټیسټونه مثبت راشي او د دې اېپ سره خپل بې ساري، نامعلومه د تصدیق کوډ شامل کړي، تاسې به نا معلومه خبرتیا ترلاسه کړئ چې تاسې په احتمالي توګه د خطر سره مخامخ شوي یاست. Yتاسې به د کوویډ-19 سرچینو ته ولیږل شئ څو سمدلاسه ټیسټ وکړئ او هغه پاملرنه ترلاسه کړئ چې تاسې ورته په خپله ټولنه کې د نورو د خطر څخه د ژغورنې لپاره اړتیا لرئ.

دا سسټم هیڅکله هم د Google, Apple، کیلیفورنیا د روغتیا او بشري خدمتونو (CHHS) یا نورو کاروونکو څخه د موقعیت یا شخصي ډېټا نه ترلاسه کوي یا شریکوي. په دې کې ګډون په بشپړ ډول رضاکارانه دی. کاروونکي هر وخت کولای شي چې په دې کې ګډون وکړي یا ترې ووځي. CA Notify داسې مطرح شوی چې د کاروونکي د محرمتیا او امنیت ساتنه کوي – دا د ډیوایس موقعیت نه ترلاسه کوي چې د خطرو انکشاف وکړي او همدغه شان ستاسې هویت د نورو کاروونکو سره نه شریکوي. بې ترتیبه کلیګانې د بلوټوت په استعمالولو سره تبادله کیږي او ستاسې د هویت یا موقعیت سره وصل نه وي. ستاسې د خوندیتوب لپاره دغه کلیګانې هر پنځلس دقیقې وروسته بدلیږي.

مشخصوونکي یا پیژندوالان د نورو تلیفونونو سره تبادله کیږي او کله چې ستاسې ټیسټ مثبت یي نو هغه کلیګانې چې د سسټم سره شریکې شوې وي، په بې ترتیبه توګه داسې شمیرې جوړوي چې په هغې کې د شخصي شناخت وړ معلومات شامل نه وي. هغه مشخصوونکي چې د نورو تلیفونونو سره تبادله کیږي، هغه د آپریټنګ سستم له لارې ستاسې په تلیفون کې په خوندې توګه داسې ذخیره کیږي چې بل هیڅ یو سافټ ویر اېپلیکېشن هغې ته نه لاس رسی لرلی شي او نه دا له فون څخه ووځي.

د 10 دسمبر څخه، د انډرایډ (Android) کاروونکي کولای شي چې CA Notify د Google Play د سټور څخه ډاونلوډ کړي او د فعاله کولو لپاره یې لارښوونې تعقیب کړي.

د iPhone کارکوونکي کولای شي چې په خپل سیټنګونو کې مستقیماً نوټیفیکېشنز فعال کړي:

د iPhone کارکوونکي کولای شي چې مستقیماً له سیټنګونو څخه د خطر د مخامخ کیدو خبرتیاوې فعال کړي. خلاص کړئ Setting App>Exposure Notifications>Turn on>متحده ایالات / کیلیفورنیا انتخاب کړئ او پروسه بشپړه کړئ.

په سملاسي توګه د کوویډ-19 د خطر سره په مخامخ کیدو پوهیدل د دې د خپریدو د مخنیوي لپاره مهمه ده. CA Notify نور حفاظتي اقدامات هم اضافه کوي، چې په کې ماسک اچول، د فزیکي واټن ساتل او په یو ځای کیدو کې کموالی راوستل او لاس وینځل شامل دي. خلکو ته د وایرس د احتمالي خطر سره د مخ کیدو د خبرداري په ورکولو، هغوی دا پریکړې کولی شي چې ځان جلا کړي او د خپریدو مخنیوی کړي او ځان او نور خلک خوندي وساتي. دا معلومات په ځانګړي توګه د هغه علایم نه لرونکي کسانو لپاره ګټه ور دي چې د ناروغۍ نښې نه لري خو ولې بیا هم وایرس خپرولی شي. د UC سسټم راپورونه څرګندوي چې د CA Notify تکنالوژي میکروبونه یا انفیکشنز کموي. لکه په ماسک اچولو، فزیکي واټن ساتلو، لاس وینځلو او په غونډو نه کولو سره چې کمیږي، همدغه شان CA Notify بله دغه ډول وسیله ده چې د کوویډ-19 د خپریدو په مخنیوي کې مرسته کوي.

نه. که ستاسې ټیسټ مثبت راشي، تاسې به د کیلیفورنیا د عامې روغتیا له ادارې څخه د تصدیق کوډ ترلاسه کړئ چې په هغې سره کولای شئ چې د نوټیفیکېشن یا خبرتیا خپله پروسه فعاله کړئ. په دغه کوډ سره به ستاسې فون کولای شي چې ستاسې بې ترتیبه کلیګانې د CA Notify نورو کاروونکو ته انتقال کړي. کله چې تاسې دا فعالیت فعالول انتخاب کړئ، هر هغه تلیفون چې تاسې ورسره په 6 فټه فاصله کې د 15 دقیقو یا زیات وخت لپاره وئ، په داسې حال کې چې تاسې ساري وئ، نو دغه تلیفون به د احتمالي خطر خبرتیا ترلاسه کوي. دغه خبرتیا به نورو کاروونکو ته د هغوی د خطر سره د مخ کیدو نیټه ووایي، خو ولې د موقعیت، وخت یا هویت څه معلومات به په کې شامل نه وي.

شاوخوا 20 ایالتونو او سیمو د Google او Apple د خطر سره د مخ کیدو د خبرتیا د اېپونو تکنالوژي استعمالول پیل کړې دي. په کلیفورنیا کې، CA Notify د کیلفورنیا د پوهنتون په اووو بیلابیلو کیمپسونو کې پیل کړی شوی دی. لکه په ماسک اچولو، فزیکي واټن ساتلو، لاس وینځلو او په غونډو نه کولو سره چې کمیږي، همدغه شان CA Notify بله دغه ډول وسیله ده چې د کوویډ-19 د خپریدو په مخنیوي کې مرسته کوي.

نه، په دې خدمت کې د شخصي پیژندګلوۍ معلومات نه استعمالیږي او نه خوندي کیږي او داسې مطرح شوی چې ستاسې محرمتیا خوندي ساتي. دا تکنالوژي ستاسې موقعیت نه ثبتوي او نه ستاسې GPS استعمالوي. دا ستاسې د تلیفون د بلو ټوت په کارولو سره په ناټاکلي توګه ځینې ((کلیګانې)) چمتو کوي (مثال: ABC123DGG67) چې دا ستاسې د تلیفون د شمیرې، ستاسې د نوم، ستاسې د موقعیت یا ستاسې د آیي پي ادرس سره څه تړاو نه لري. دا بې ترتیبه کلیګانې تقریباً هر 15 دقیقې وروسته بدلیږي څو ستاسې هویت خوندي وساتي. دا یو خوندي او نامتمرکز سسټم وي او دا تعین کوي چې آیا تاسې د مثبت ټیسټ لرونکي کس سره اړیکه نیولي او کنه. کلیګانې یوازې د کاروونکي په ډیوایسز کې تر هغه وخته پورې ذخیره کیږي، کله چې داسې یو کاروونکی چې ټیسټ یې مثبت راغلی وي، دا تصمیم ونیسي چې دغه کلیګانې د نورو کاروونکو سره شریکې کړي. 14 ورځې وروسته، یا هغه وخت کله چې خبرداری څرګند شي، دغه کلیګانې په دایمي توګه د کاروونکي له ډیوایس څخه لرې شي.

CA Notify به په 15 بیلابیلو ژبو کې موجود وي – عربي، کمبوډیایي، چیني، انګلیسي، فارسي، هندي، جاپاني، کوریایي، پښتو، روسي، هسپانوي، تګلاګ، تهایي، ویتنامي او غربي ارمینیایي.

ستاسې تلیفون ته به د خطر سره د مخ کیدو خبرتیا هغه وخت دراستول کیږي کله چې ستاسې تلیفون د کلي/ټوکن پر اساس د خطر سره د مخ کیدو څه پیښه معلومه کړي چې دا به له هغه کس سره سمون خوري چې CA Notify مثبت راپور کړی وي. که چیرې داسې یو کس چې تاسې ورسره مخامخ شوي یاست، په CA Notify کې د خپل ټیسټ پایله مثبت وسپاري، نو د یوې ورځې څخه په کم وخت کې به خبر ورکول کیږي. تاسې د هر هغه خطر د مخامخ کیدو سره خبرول کیدی شئ چې په تیر شوي 14 ورځو کې رامنځته شوی وي.

دا په دې پورې تړاو لري چې تاسې د څومره کسانو سره اړیکې نیولي دي، څومره کسان په خپلو تلیفونونو کې د خطر سره د مخ کیدو خبرتیاوې استعمالوي او په دې کې د څومره کسانو د مثبت په توګه تشخیص شوی دی.

که ستاسې فون هغه بې ترتیبه کلیګانې د بل کوم کس د فون سره تبادله کړې دي چې مثبت تشخیص یې شوی دی، تاسې به د احتمالي خطر سره د مخ کیدو خبرتیا ترلاسه کړئ. په دې خبرتیا کې به د ځان د جلا کولو او ټیسټ کولو په هکله معلومات ورکړل شوې وي.

تاسې به د CDPH څخه د ټیکسټ پیغام له لارې دغه کوډ ترلاسه کړئ. د CDPH څخه به پیغام له 1-855-976-8462 څخه راځي.

هغه ټول iPhones چې په 2015 کې ریلیز شوې وي، iOS 12.5 سپورټ کوي: iPhone 12، 12 Mini، 12 Pro، 12 Pro Max، 11، 11 Pro، 11 Pro Max، XR، XS، XS Mas، X، SE (2م جنرېشن)، 8، 8 Plus، 7، 7 Plus، 6s، 6s Plus، 6، SE (فرسټ جنرېشن)، 5s، 5s Plus.

د Android کاروونکي CA Notify استعمالولی شي که چیرې په تلیفون کې یې د بلوټون کمه انرژي کار کوي، Android ورژن 6 (API 23) یا پورته ورژن، او Google Play Store ته لاس رسی لرلی شي. د خطر سره د مخ کیدو د خبرتیاو په هکله د نورو معلوماتو ترلاسه کولو لپاره لطفاً www.google.com/covid19/exposurenotifications وګورئ.

دا خدمت داسې جوړ شوی چې بلو ټوت او ډېټا کم نه کم استعمالوي او په بیټرۍ یا د ډېټا په استعمال به څه خاص تاثیر نه کوي.

CA Notify د بلو ټوت کمه انرژي استعمالوي، نو بلوټوت به همیشه آن یا فعال وي څو سسټم کولای شي چې د نږدې نورو کاروونکو سره د کلیګانو تبادله کوي.

نه. CA Notify د تماس معلومولو اېپ نه دی. د تماس په معلومولو کې هغه نږدې اړیکې لرونکي معلومیږي چې د کوویډ-19 ټیسټ یې مثبت راغلی وي، او د تماس معلوموونکي د تلیفون، اي مېل او ټیکسټ له لارې دغه کسانو ته لاس رسی لري. CA Notify د هغه کسانو په هکله معلومات نه ترلاسه کوي چې تاسې ورسره اړیکه نیولي وي او دا اېپ کوم شخصي معلومات نه راټولوي او نه یې تبادله کوي، له دې امله د بل کوم کس لپاره دا ممکن نه ده چې دا معلومات ولري چې تاسې له چا سره اړیکه نیولي ده. CA Notify د تماس نیولو پروسه ګړندۍ کوي داسې چې د خطر سره د مخامخ کیدو خبرتیاوې هغه کسانو ته لیږي چې ښایي تاسې یې حتی پیژنۍ هم نه.

نه، CA Notify وړیا اېپ دی او د کیلیفورنیا د هغه ټولو اوسیدونکو لپاره دی چې دا استعمالول غواړئ.

CA Notify له 13 کالو څخه د کم عمر ماشومانو لپاره نه دی. له 13 څخه تر 17 کالو پورې کسان دا سسټم یوازې د والدېنو یا قانوني سرپرست د دې سسټم د کتنې او د اجازې ورکولو وروسته استعمالولی شي.